నువ్వేంటి…నా లోకి…(కవిత)
-ఝాన్సీ కొప్పిశెట్టి
నువ్వేంటి
ఇలా లోలోకి..
నాకే తెలియని నాలోకి…
నేనేమిటో
నా పుట్టుక పరమార్ధమేమిటో
ఏ పుట్టగతులనాశించి పుట్టానో
అసలెందుకు పుట్టానోనన్న అన్వేషణలో నేను…
గాలివాటుతో ఊగిసలాడే నా చంచల చిత్తం
సత్యాసత్యాల చిక్కుముడిలో చిక్కడిన
నా అంతరంగం
వాటిపై జరిగే అనేకానేక దురాక్రమణలు
నా ఉనికితనపుటంచుల్లో భయాందోళనలు
నా తెలిసీ తెలియనితనపు తప్పటడుగులు…
నా మకిలంటిన మనసుకి విహ్వలించిన నేను
నన్నథిక్షేపించే నాపై నేనే ప్రకటించుకునే యుద్దాలు
నాలో నేనే సాగించే శాంతియాత్రలు..
అయినా చేయువాడు చేయించెడివాడు
సర్వం వాడేనని
చేసిన తప్పిదాలన్నీ వాడి చిట్టాలో కెక్కించి
దారి చూపే కాపరిదే తప్పు కాని
గుడ్డిగా సాగే నా గొర్రెతనానిది కాదని
నేను నిమిత్తమాత్రురాలినని బుకాయించుకునే నేను
ప్రమాణపూర్తిగా…
అసలు నేను ఏమిటన్న శోధనలో
మిధ్యానిజాల మధ్య జ్వలిస్తున్న
నాలోకి…
నువ్వేంటి
ఇలా లోలోకి
నాలోకి….
*****
ఆర్ట్: మన్నెం శారద
ఝాన్సీ కొప్పిశెట్టి గారు ఉస్మానియా యూనివర్సిటీ నుండి తెలుగు, ఆంగ్ల భాషలలో డబుల్ MA, భవన్స్ నుండి IRPM డిప్లొమా చేసారు. ఆర్మీలో ముప్పై మూడేళ్ళ ఉద్యోగ నిర్వహణానంతరం స్వచ్చంద పదవీ విరమణ చేసి ఆస్ట్రేలియాలో స్థిరపడ్డారు. వీరి సాహితీ ప్రస్థానం ఆలస్యంగా ప్రారంభమైనప్పటికీ వేగవంతంగా
సాగుతోంది. ‘అనాచ్చాదిత కథ’, ‘విరోధాభాస’, ‘అగ్ని పునీత’ అనే నవలలు, ‘గొంతు విప్పిన గువ్వ’ అనే అనుస్వనమాలిక, ‘చీకటి వెన్నెల’ అనే కథా సంపుటి,
‘ఆర్వీయం’ అనే చిత్ర కవితల దృశ్య మాలిక, ‘ఎడారి చినుకు’ అనే అనుభూతి కావ్యం వీరి సాహితీ పంటలు. నాటి ఉప రాష్ట్రపతి ముప్పవరపు వెంకయ్యనాయుడుగారి ప్రశంసా పత్రం, అంపశయ్య నవీన్ తొలి నవలా పురస్కారం, గిడుగు రామ్మూర్తి పంతులు పురస్కారం, నవలా రాణి బిరుదు ప్రదానం, తెన్నేటి హేమలత సాహితీ పురస్కారం, శ్రీ మక్కెన రామసుబ్బయ్య కథా పురస్కారం, కొలకలూరి ఇనాక్ జాతీయ కవితా పురస్కారం, HRC కథా పురస్కారం, నెచ్చెలి కథా పురస్కారం వీరి సాహితీ కృషికి లభించిన గుర్తింపులు. ప్రతిలిపి నుండి వీరి కథలకు అనేక బహుమతులు లభించాయి. వీరి కథలు, కవితలు తెలుగు వెలుగు, పాలపిట్ట, స్వాతి, ఆంధ్ర భూమి, సారంగ వంటి పలు పత్రికల్లో ప్రచురింపబడ్డాయి.
నెచ్చెలి సంపాదకులు Dr గీతా మాధవిగారికి కవితకనుగుణంగా చిత్రాన్ని సమకూర్చిన మన్నెం శారద అక్కయ్యకు నా హృదయ పూర్వక ధన్యవాదాలు
థాంక్స్ ఝాన్సీ గారూ!
నెచ్చెలి సంపాదకులకు కవితకనుగుణంగా చిత్రాన్ని సమకూర్చిన మన్నెం శారద అక్కయ్యకు నా హృదయ పూర్వక ధన్యవాదాలు
చాలా బాగుంది ….ఇలా నాలోకి… ఎలా ఎలా …వావ్ గ్రేట్ నారేషన్ డియర్👌👌👌
ఝాన్షి గారు చాలా బాగా రాసారు మీకు అభినందనలు … 🙏
Thank you
నాలోకి.. నువ్వు.. చాలా బాగుంది.. మేడమ్.. నాలోకి..నా అంతరంగం లోకి…తద్వారా జీవితంలోకి.. ఎవరోయి..నువ్వు
హహహ…మీ స్పందనకు ధన్యవాదాలండీ
చాల బాగా రాసారు
ఝాన్సీ గారూ
అభినందనలు.
ధన్యవాదాలు డాక్టరుగారూ….
Exlent kavitha Jhansi garu hearty congrats to you 👌🎉👌🎉👌
Thank you dear…
Baagundi Jhaansee Garu 👌
ధన్యవాదాలు సాంబశివరావు గారు
చాలా బావుంది ఝాన్సీ మేడం కవిత
థ్యాంక్యూ నాగజ్యోతిగారూ…
ఎదురుబాటో , తిరుగుబాటో నా అంతర్మధనం …..
Thanks anna
వెరీ నైస్ పోయెమ్ …
Thank you😍😍