కనుక్కోండి
-దిలీప్.వి
ఆకలైతే కాదు
నన్ను చంపింది
పస్తులుoడి ఆకలితో
అలమటించిన
దినములెన్నో…
పేదరికం కాదు
నన్ను వల్లకాటికి చేర్చింది
అయితే..
ఇన్నేళ్ల నుండి దానితోనే కదా
సావాసం చేస్తున్నది
కరోనాకా
నేను బలిఅయినది?
కాదు కాదు… అసలే కాదు
దేనికి నేను బలి అయిందో
తెలియదా మీకు?
ఇంటికి చేరుతానని
ఇంటికి దీపమైతానని
నన్ను నడిపించిన ఆశ
విగతజీవిగా మారి
కన్నవారికి మిగిల్చిన నిరాశ
కారకులెవరో కనుక్కోండని
ప్రశ్నగా మారి వెళుతున్న…
*****
Please follow and like us:
నా పేరు దిలీప్.వి. మాది తెలంగాణ లోని ఉమ్మడి వరంగల్ జిల్లా లో నూతనంగా ఏర్పడ్డ ములుగు జిల్లా లోని మల్లంపల్లి గ్రామం. నేను ప్రభుత్వ ఉపాధ్యాయుడిగా పనిచేస్తున్నాను. చిన్నప్పటినుండి విభిన్న సాహిత్యాలను చదవడం అలవర్చుకున్నాను. సమాజం లో జరుగుతున్న అన్నిరకాల వివక్షలను, అసమానతలను, అన్యాయాల్ని ప్రశ్నించడానికి కవితా యాత్ర చేస్తున్నాను.