రుద్రమదేవి-3 (పెద్దకథ)

రుద్రమదేవి-3 (పెద్దకథ)

-ఆదూరి హైమావతి

” ఐతేసరివిను. అదిఅతగాడి పెళ్ళికిముందు బొగ్గులదానితో జరిపిన చాటుమాటు ప్రేమవ్యవహారంలే!  అందరికీతెలిస్తే పరువుపొతుందని భయం.”అందినవ్వుతూ రుద్ర.

” ఐనాఇవన్నీ నీకెలాతెలుసే! ” ఆశ్చర్యంతో నోరెళ్ళబెట్టింది వరం.

” కొన్ని తెల్సుకుని కొందరిని అదుపులోపెట్టుకోవాలిమరి ! మాతాతగారు చెప్పార్లే ఈయనతెరవెనుక కధలు.ఈరోజుతో అన్నీబంద్ .ఇహ నోరెత్తడు.ఇన్నాళ్ళబట్టీ ఎందుకులే పరువుతీయటం అనుకున్నాకానీ మరీరెచ్చిపోయి అత్తనుఏడిపిస్తుంటే ఇహఆగలేకపోయా ఈరోజు. అత్త మనసంఘంలో చేరిసేవలు చేస్తుంది.” అంది రుద్ర ఒక ఘనకార్యాన్ని సాధించినతృప్తితో. 

” నీవు నిజంగా రుద్రమదేవివేనే! మీనాయనగారు పెట్టిన పేరు నిలుపుతున్నావ్! నీవునాదోస్తు వైనందుకు నేనెంతో గర్విస్తున్నానుసుమా!  ” అందివరం రుద్ర చెయ్యిపట్టుకుని. 

” అదంతా మీఅందరి సహకారంవల్లేనే వరం. మాతాతగారూ, నాయనగారూ మా బంగారు అమ్మల ప్రోద్బలం సహకారం లేకపోతే నేనేమీ చేయలేను కదే! వరం!  సరే పదలోపలికి ఆకలౌతున్నది,  అమ్మ ఏదో చేసే ఉంటుందిలే . తిందాంపదం” అంటూ లోపలికిదారి తీసిందిరుద్ర.   

  “ఐనాయా  సమాజసేవలు! అన్నంనీళ్ళూ కూడా అవసరం లేదల్లేఉంది  మీ నాయనా కూతుళ్ళకు ” లోపలి కెళ్లగానే రుద్ర తల్లి పేరిందేవి

” ఇదో ఈపిల్లనూ మీతో చేర్చుకుని చెడగొడుతున్నారల్లే ఉంది, ఏమి వరాలూ!”  అంటూపూర్తిచేసింది. 

” అదేం లేదత్తా! రుద్ర చేసేపని ఏమగాళ్ళూ చేయలేరుసుమా!ఎంత ధైర్యం! దీని తోచేరి నేనూకాస్తంత ధైర్యం ,మాట్లాడటం నేర్చుకుంటున్నాను. 

” బావుంది! పిల్లికి ఎలక సాక్ష్యం అంటే ఇదేమరి! సరే రండి కాళ్ళుకడుక్కుని , శనగ వడలు కాల్చాను వేడివేడిగా ఉన్నాయ్ ” అంది మురిపెంగా కూతుర్ని చూసు కుం టూ , ఆమెకూ తెల్సు రుద్ర చేసేమంచి పనులు. తండ్రితో పాటు తల్లిసహకారం ఉండబట్టే   రుద్ర సామాజిక సేవ చేయగలుగుతున్నది. కూతురు ఇలాసమాజం దుమ్ముదులిపి అమాయకులను ఓదార్చడం ,వారికి కాస్తంతఊరట నివ్వటం ఆమె కెంతో ఆనందాన్ని కలిగిస్తున్నది.  

 రుద్ర ,వరాలూ వడలు తింటుండగా , రుద్ర తాత హనుమంతప్ప “ఏంటమ్మాయ్! మంచి సువాసన వేస్తున్నది ? ” అంటూ  బయటి నుండీ వచ్చి ” నాకూ ఆకలివేస్తు న్నది ,కాళ్ళు కడుక్కుని వస్తాను  పెట్టమ్మా! రుద్రా నాకూ కాసిన్ని ఉంచండి చెలి కత్తె లిద్దరూకల్సి అన్నీ తినేయకండి ” అంటూ పెరట్లోకి వెళ్ళాడు. 

” మీకేం బెంగక్కర్లేదు  తాతయ్యగారూ ! అమ్మ ఎప్పుడూ తక్కువవండదుగా! ” అంటూ ప్లేట్ తాతకు అందించింది రుద్ర..

” మీ అమ్మ విషయం నాకు తెలుసమ్మా! తెనీనిది నీ విషయమే! రోజూ ఎవరినో ఒకరిని సంస్కరించి అలసిపోయి వస్తావాయె ! ఆకలికి అన్నీతినేయవచ్చుగా?”  

” నేనేం భీముడి ననుకున్నారా ! లేక కుంభకర్ణునిలా తిండి పోతుననుకున్నారా? ఇలా అంటేనేనసలు తిననే తినను, ఉపవాసం చేస్తా నాల్గురోజులు.” బెదిరించింది రుద్ర తాతను.

    ” మా అమ్మగా ! అలాచేయకే తల్లీ! నీవు ఉపవాసం చేస్తే నేనుండలేను ఏమీ తిన కుండా.అదిసరే కానీ ఏంటి రుద్రా ! ఏం మంత్రం వేశావేం , పానకపుమామ గొంతే వినిపించటం లేదుఈరోజు ! వీధి వీధంతా వాడిగొంతు మారుమ్రోగు తుంటుంది కదా? నడచి వస్తుంటే వాడిఇల్లు నిశ్శబ్దంగా ఉంది ! ఏఊరైనా వెళ్ళాడనుకుంటే వీధివాకిలి తెరిచేఉంది!”అని తాత హనుమంతప్ప అనగానే ,నోట్లోఉన్న వడ ముక్క క్రింద పడేట్లు పకపకా నవ్వారు రుద్ర, వరమ్మానూ.

” ఏదో చేశావన్నమాట ! ఆపరేషన్ సక్సెస్ ఐనట్లుంది ఏంరుద్రలూ ! పేషెంట్  కొలా ప్స్ డా ! ” మురిపెంగా రుద్ర తలపైతట్టాడు తాత. 

” ఔను తాతయ్యగారూ !ఈ రోజు రుద్రచేసిన ఆపరేషన్ తో పానకపు మామరోగం పూర్తి గా నయమయ్యింది.  పేషెంట్  కొలాప్స్ డ్ కాదు!  రియాక్టెడ్  ,ఐతే మందు సూచిం చింది మీరేని తెల్సిందిలే!” వరాలు నవ్వు ఆపుకుని చెప్పింది.   

” అనుకున్నా నమ్మా! ఇద్దరూ నవ్వుతూ వస్తుంటేనే ఏదో ఒకకార్య సాధనచేసే వచ్చి ఉంటారని! పోన్లే ఈరోజుతో ఎలాగోఒకలా ఆ అమాయకురాలి ప్రాణం తెరిపిన పడిం దన్నమాట.  అంతేచాలు, ప్రతిపూటా రోజంతా కళ్ళువత్తుకుంటూఉండే రమాబా యమ్మను చూడలేక పోయేదాన్ని ” అంది పెరిందేవి సంతోషంగా .

 ” అంతేనా ఆపెవండిపెడితే తినిఅరిగిందాకా బొజ్జతడుముకుంటూ ఆమెను తిట్ట డమే వాడిపని. ఈరోజుతో కుదిరిందన్నమాట !ఆమందే వేసుంటావ్? ఔనా రుద్రా ! “అడిగారు తాతయ్యగారు.

” ఔనుతాతయ్యగారూ ! ఇంతకాలమాగాను ఇహనావల్లకాలేదు. ఒక్క బస్తాబియ్యం ఇచ్చిందని అంత హంగామా చేశాడు ” అదంతా అత్త ఇంటినుండీ వచ్చినవేగా? పాపంఅత్త!ఇహమీద మామపోరే ఉండదు లే!  ” సానుభూతిగా అంది రుద్ర.

” పాపం చిన్నతనంనుండీ బయటికిరాక ,ఈడేరినా  పెళ్ళికాలేదనే భీతితో ఆయ మ్మను బయటికే రానివ్వలేదు తండ్రి. ఇదిగో వీడిపాలబడింది ఆబేల! ” చెప్పారు తాతయ్య హనుమంతప్ప..

       ” ఇహ అత్తజోలికెళ్ళడు పానకపుమామ.రుద్ర ఆపరేషన్ ఈరోజు  విజయవంత మైందిలే తాతయ్యగారూ !” అంది వరాలు లేచి వెళ్ళి చేయికడుక్కుని ” ఇహ రానా! రుద్రా! రేపు ఉద యాన్నే వస్తా, వెళ్ళి వాడపిల్లలకు  అచ్చుబొక్కులన్నీ ఇవ్వలిగా ! వెళ్ళొస్తా అత్తయ్యా! తాత య్యగారూ ” అంటూ లేచి బయల్దేరింది  వరాలు.

” నీకు అన్నలేడని ఎప్పుడూ అనుకోలేదు రుద్రా ! ఈ వరాల్ని చూశాక మాత్రం అనిపిస్తోంది నీకో అన్న ఉంటే ఈ వరాన్ని చేసుకుని మనఇంటనే ఉంచుకునే వాళ్ళంకదాని. ” అంది రుద్రతల్లి . 

   ” పోనీ నేచేసేసుకోనా అమ్మా! ” అంది రుద్ర తల్లి చుబుకం పట్టిఊపుతూ…

      ” ఎందుకూ ! ఇద్దరూ వీధులెంట బలాదూర్  తిరుగుతుంటే  నేను  భయపడు తూ కూర్చోనా ? పోవే మొద్దూ  ?” అంది ఆమె మురిపెంగా కూతుర్నిముద్దాడి ..

” మా అమ్మ బంగారు .నీసపోర్ట్ ఉండబట్టే గదమ్మా! నేనుఇలా ఏదో ఒకమంచిపని చేయగలుగు తున్నాను.”

” నా కూతురూ బంగారమేనే! మగపిల్లలు లేని లోటు తీర్చుతూ ఇంటా బయటా ధైర్యంగా అన్నీ చక్క బెట్టుతు తాతయ్యగారికి , నాయనగారికి మంచి పేరు తెస్తున్నా వ్? ఇంతకంటే బిడ్డ నుండీ అమ్మా నాయనా మరేం ఆశిస్తారు చెప్పు.” అంది పెరిందేవి 

” బావుంది తల్లీ కూతుళ్ళ సరాగాలు , ఇక్కడ నేనొకర్తెనున్నానని  మరువకండి ” నవ్వుతూ అంది వరం.

” సరేమ్మా! ఈ రాకాసిని  ఇంటివద్ద వదలి వస్తాను ” అంటూ వరాన్ని సైకిల్ పై ఎక్కించుకుని బయల్దేరింది రుద్ర..

అప్పుడప్పుడే  సూర్యాస్త మయమై చీకట్లు అలుముకుంటున్నాయి , రుద్ర  సైకిల్ తొక్కుతుండ గా వెనుక కూర్చున్న వరాలు కబుర్లు చెప్తున్నది. కపిలబావి దాటు తుండగా , వరం ” అటుచూడు రుద్రా! అక్కడ బావివద్ద ఎవరో తచ్చాడు తున్న ట్లున్నది! అమ్మయిలా లేదూ! ఇప్పుడు ఇక్కడ వంటరిగా…” అంది .

****

(ఇంకా ఉంది)