ఇది ఏనాటి అనుబంధమో! (నెచ్చెలి అంతర్జాల వనితా మాస పత్రిక & అర్చన ఫైన్ ఆర్ట్స్ అకాడమీ & శ్రీ శారదా సత్యన్నారాయణ మెమోరియల్ ఛారిటబుల్ ట్రస్ట్ కథల పోటీలో సాధారణ ప్రచురణకు ఎన్నికైన కథ)

నా పేరు జి . జానకిగిరిధర్. నా చిన్నతనం నుండి కళలపై మక్కువతో… ఫేబ్రిక్ , పాట్ పెయింటింగ్ లతో పాటుగా రంగవళ్ళికలు పండుగల సందర్భానుసారం, కొత్తదనాన్ని చూపిస్తూ వేయడంతో సృజనాత్మక ప్రపంచంలోకి అడుగు పెట్టాను. ఈనాడు, వార్త, ఆంధ్రజ్యోతి, సాక్షి, సహరి మొదలగు పత్రికలలో నా రంగవళ్ళికలు  జిల్లా వారిగా జరిగే పోటీలలో ప్రధమ బహుమతులు పొంది ముద్రించబడ్డాయి.

            ఇక గృహిణిగా కొద్దిపాటి ఖాళీ సమయంలో “మా లే అవుట్” లో జరిగే కార్యక్రమాలలో  (మహిళా దినోత్సవం, ఇతర పండుగలకు) చిన్న స్క్రిప్ట్ లు , పాటలు రాయడం ప్రారంభించాను. ఆ పాటలు విన్న నా కుటుంబీకులు ముఖ్యంగా మా నాన్నగారు, నా భర్త కథలు రాయమని ప్రోత్సహించారు. అనుకోని వరంగా మా సమీప బంధువు  ‘శ్రీ పి.వి రమణ’ గారు నాకు గురువుగా లభించారు.

           కథలు రాయడం ఎలా? అని నేర్పిస్తూ,మెళకువలు తెలుసుకునేందుకు  ‘ప్రియమైన రచయితలు’ అనే గ్రూపులో చేర్చి, నే రాసిన కథలపై సమూహ కథకుల సమీక్షలతో  మెరుగులు దిద్దస్తూ …. ఈ సాహిత్యం లోకంలోకి నాకు అడుగులు వేయించి ఎంతగానో  ప్రోత్సహిస్తున్నారు. ఈ విధంగా ‘ప్రియమైన రచయితలు’ సమూహాంలో నేను రాసిన కథలలో అందరి మన్నలు పొందిన కొన్ని కథలు , వివిధ పత్రికలలో ప్రచురణకు నోచుకున్నాయి.